Құрбан айт қабыл болсын!

Қазақстан мұсылмандары діни басқармасының төрағасы, Бас мүфти Ержан қажы Малғажыұлы мұсылман қауымын Құрбан айт мейрамымен құттықтады, деп хабарлайды old.muftyat.kz.

«Аса қамқор, ерекше мейірімді Алланың атымен бастаймын!
 Құрметті бауырлар!

Баршаңызды күллі мұсылман қауымы асыға күткен қасиетті, ұлық мереке – Құрбан айт мейрамымен құттықтаймын! Отбасыларыңызға амандық, мықты денсаулық, жұмыстарыңызға береке тілеймін.
Бәрімізді айтқа аман-есен жеткізген Алла Тағалаға сансыз шүкірлер мен мақтаулар болсын!


Ислам діні сан ғасырдан бері еліміздің рухани тірегі болып келеді. Халқымыз асыл дініміздегі Жаратушы Иеміз белгілеп берген екі мейрамның ұлығы, айтулы мереке – Құрбан айтқа айрықша дайындалып, көпшілікпен ерекше атап өтеді. Берекеге бастаған бұл мереке бірлік пен игілікке, мейірім мен кешірімге үндейді.

Толығырақ: Құрбан айт қабыл болсын!

Қымыздың түрлері


Қымыз – халқымыздың ғасырлар бойы үздіксіз пайдаланылып келе жатқан ұлттық сусыны. Ол тек тағам ғана емес, сонымен қатар халықтың қасиетін, дәулетін, салтанатын, байлығын, мырзалығын, дастархан берекесін білдіретін ырыс белгісі десе де болады. Өзге тағамдарға қарағанда, қымызды дайындаудың әдіс-тәсілдері, салт-дәстүрлері, ырымдары мен кәде жол жоралғылары өте көп.

Көктем туып, құлындаған бие байланып, сауылады. Биенің ашымаған сүтін саумал дейді. Оған арнайы ашытқы қосылып, екі-үш күннен кейін ашиды. Алғашқы қымызды үй иесі өзі ішпейді, дәстүр бойынша үлкендерін шақырып, ауыз тигізіп, батасын алады. Мұны «Қымызмұрындық» дейді. Дайындау әдісіне, қасиетіне, сапасына және сақталу уақытына байланысты халқымыз қымызды бірнеше түрге бөледі. Және олардың әр түрін жылқы жасының атауымен атайды.

Толығырақ: Қымыздың түрлері

Астау

Халқымыздың сонау ерте замандардан бастап-ақ қолданып келе жатқан, ас тұтынатын ыдыстарының бір түрі – астау. Астау – ағаштан жасалған тұрмыстық ыдыс. Ыдыс – аяқ ретінде ұзыншалау, сопақ етіп, екі жағынан ұстауға лайықтап жасаған. Астау сөзінің төркіні «ас» – тағам, «тау» (тау қылды) – «көп қылып үйді, көлемі үлкен болды» деген мағынадан шыққан. Сонда асты табаққа молшылықтың белгісі ретінде таудай қылып салып, «астау» деген атқа ие болған екен деп топшылаймыз. Сонымен астаумен қатар астабақ та кеңінен қолданыста болған. Астауға тек қана ет салып қана қоймай, басқа да майлы дәмді астарды таратқан, сонда астау тағамның майлылығын бойына сіңіріп, құнарлылығын сақтап отырған.

Толығырақ: Астау

КЕЛІ

Көркем шығармашылықтың ең ежелгі және қазіргі күні де дамып отырған түрлерінің бірі қолданбалы өнер (қолөнер). Ол сұлулық заңдарына сәйкес жасанған тұрмыс жабдықтарында іске асады. Бұл тек пайдалы заттар ғана емес, оның қолдануын білдіретін көркемдік бейнесі (образы) бар әдемі заттар болып та есептеледі. Бізді қоршаған заттар, біздің тұрмысымызды, күнделікті өмірлік қажеттіліктерімізді өтейтін заттар өнер шыңына дейін көтерілуі мүмкін.
Қазақтың тұрмысында тары, бидай, жүгері сынды дәнді дақылдарды түйетін, ұнтақтайтын қатты ағаштан жасалған құрал бар. Ол – келі деп аталады. Келінің биіктігі 50-60 cм жуан бөрене ағаштың ортасын 30-35 см тереңдікте ойып жасалады. Келінің түйгіш ағашы болады, оны келсап деп атайды. Келсаптың келіні түйгіштейтін басы салмақты етіп жасалып, қолға ұстайтын жерінен қолайлы қос тұтқа шығарылады. Келсаптың ұзындығы 1,2 – 1,3 метр жуан ағаш.
Келі сөзінің мағынасына келсек, келі сөзінің түбірі «кел», «келу». «Қазақ тілінің түсіндірме сөздігінің» І томының 283-бетінде «Жеуге келеді – жетілді, пісті» мағынасы осы келі сөзіне лайықты суреттеу. Келіге дәнді ұнтақтап дайын болғанша талқандайды. Сөз төркіні де осы дайындауда жатыр.

Толығырақ: КЕЛІ

Ұлттық музыканың ұрпақ тәрбиесіндегі маңызы

Аспаптық музыка сонау көне заманнан келе жатқан ұлтымыздың рухани мәдениетінің аса бір маңызды саласының бірі. Сол себептен ұрпағымызды аспаптық музыкаға арналған шығармалар және ұлттық аспаптарда орындалатын күй өнеріне баулу мәдениеті тәрбиелеудің бір бөлігі болып табылады.

Толығырақ: Ұлттық музыканың ұрпақ тәрбиесіндегі маңызы

Дәстүр видео

Дәстүр видео

Дәстүр видео

Дәстүр видео

Дәстүр видео

Дәстүр видео

Дәстүр видео

Әлеуметтік желі парағы

FacebookFacebook

Күнтізбе

« Тамыз 2017 »
Дс Сс Ср Бс Жм Сб Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31