Ұлулар — табиғаттың қызықты әрі ерекше жаратылыстарының бірі. Олар физиологиясымен және таңғажайып өмір сүру тәсілдерімен көпшілікті таңдандырады. Әсіресе, Ахатина ұлуы көлемі мен түрлі-түсті сыртқы қабығымен ерекше көзге түседі. Ұлулардың арасында көбейту мен асырауға қолайлы әрі кең таралған тұқымы — Ахатина.
Менің ұлу асырау тәжірибем бір жылға жуық уақытты қамтиды. Осы уақыт ішінде бұл жануарлардың мінез-құлқы, өсіру әдістері мен күтімі туралы көптеген мәлімет жинадым және олармен бөліскім келеді.
Ахатина Ұлулары: Жанұяның Тұтастығы
Ахатина ұлуы — әлемдегі ең ірі құрлық ұлуларының бірі, ұзындығы 20 см-ге дейін өседі, нәзік әрі қатты табиғаты бар. Ахатина ұлулары Африкадан шыққан, бірақ соңғы жылдары әлемнің басқа аймақтарында танылып, үй жағдайында асырайтын адамдар көбейді.
Олар өте сезімтал болғандықтан, арнайы күтімді қажет етеді. Оларға қолайлы климат, ылғалдылық пен тұрақты температура қажет (20-28°C, 70-90% ылғалдылық). Ұлулар түнде белсенді келеді, күні бойы тынығады.
Ахатина ұлулары өздігінен жұмыртқалай алатын гермафродиттер. Олар жылдам көбейеді. Дұрыс күтім жасалған жағдайда бір жұмыртқалағанда 100-ге жуық жұмыртқа салады.
Ұлулардың нәзік сезімтал Табиғаты
Ұлулардың сезімталдығы ерекше назар аудартады. Олар жарыққа, шуылға және сыртқы әсерлерге өте сезімтал. Ахатина ұлулары жарық сәуледен тыса болғанды және тыныштықты жақсы көреді.
Ұлулардың Тағамдық Әдеттері
Ахатина ұлулары өсімдіктермен қоректенеді: көкөністер, жемістер және балдырлар олардың сүйікті тағамдары болып табылады. Олар тамақтанғанда тыныштықты ұнатады.
Ұлулардың денсаулығы үшін кальцийдің маңызы зор. Бұл олардың қабыршағын сау әрі мықты етеді. Сондықтан рационға сепия сүйегі, ұсақталған жұмыртқа қабығы немесе арнайы минералды қоспаларды қосу қажет.
Ұлулар туралы Қызықты Деректер
Ахатина ұлуларының ерекше қасиеттері мен физиологиялық ерекшеліктері оларды зерттеуге қызығушылық тудырады:
* Мүйіздері: Ұлулардың мүйіздері көру мүшесі болып табылады. Олар мүйіздері арқылы қоршаған ортадағы қозғалыстарды және объектілерді байқайды.
* Тілдері: Ұлулардың тілі «радула» деп аталады. Оның бетінде ұсақ, өткір құрылымдар бар, олар тағамды қырып алып, майдалап жеуге көмектеседі.
* Тыныс алу жүйесі: Ахатина ұлулары ауада дем алады, бірақ кейбір түрлері су астында да тыныс ала алады.
* Қабықтары: Ахатина ұлуларының қабығы өмір бойы өсіп, жаңа қабат ескі қабығының сыртыр қоршап, қосылып отырады. Қабық ұлудың жасын және денсаулық жағдайын анықтауға мүмкіндік береді.
* Ұйқысы: Ахатина ұлулары 2-3 күн белсенді болып, ұзақ уақыт ұйықтай алады.
Ахатина ұлуларын асыраудағы міндеттер
Міндетті түрде:
* Ыңғайлы орта құру: Террариумның көлемі ересек ұлуға кемінде 10-15 литр болуы керек.
* Қоректендіру: Ұлуларды үнемі жаңа тамақпен қамтамасыз етіп, бүлінгендерін дер кезінде алып тастау қажет.
* Тазалық: Террариумды аптасына бір рет тазалап отырыңыз.
* Денсаулыққа күтім: Қабыршақ зақымдалса, кальциймен байытылған тамақ беріп, стресстік жағдайлардан қорғаңыз.
Кеңестер:
* Террариумда таза су болуы керек.
* Жұмыртқаларды бақылап, қажетсіз көбейіп кетпеу үшін жұмыртқаларды жойып отырыңыз.
Тыйымдар:
* Цитрусты, тұзды және химиялық заттарды бермеңіз.
* Террариумды кептіріп жібермеңіз.
* Террариумда ұлуларды тым көп шоғырландырмаңыз.
Ахатина ұлуларын асырау — ерекше хобби ғана емес, үлкен жауапкершілік. Олардың денсаулығы мен өмір сүру сапасы тек сіздің күтіміңізге байланысты. Бұл ұлулар табиғаттың нәзіктігі мен әсемдігін көрсетіп қана қоймай, сізге ерекше тыныштық пен тілсізді түсіну – даналығын сыйлайды.
Айгүл Құрманбек
Фото интернеттен алынды
