«Kitap time – 2022» республикалық фестивалі аясында «Білімді ұрпақ – ел болашағы» атты book-parties өткізді деп хабарлайды Сағи Жиенбаев атындағы облыстық жасөспірімдер кітапханасының баспасөз қызметі.
Мақсаты: жастардың кітап пен кітап оқуға деген қызығушылығын, қоғамның зияткерлік әлеуетін арттыру, көпшілік алдында өз ойын еркін жеткізуге, тіл байлығын, рухани байлығын арттыруға ықпал ету, сонымен бірге кітап оқуға деген ынтасын, сүйіспеншілігін арттыру.
Шара барысында кітапхана маманы Лаура Ерікқызы кең көлемде жасақталған «Білімді ұрпақ – ел болашағы» атты кітап көрмесіне библиографиялық шолу жасады. Қазіргі таңда сұранысқа ие әдебиеттермен жасақталған кітап көрмесін тамашалаған білім алушылар Зияш Телеуованың «Құлаған үйдің құпиясы», Сәуле Досжанның «Ауылдан шыққан миллионер», Жұмабай Қайранбайдың «Біз студент едік», Ақберен Елгезектің «Болмаған балалық шақ» және қазақ тілінде жарық көрген Жоан Роулиңнің «Хәрри Поттер» сынды кітаптарын оқуға қызығушылық танытты.
Сондай-ақ биылғы танымал тұлғалардың мерейтойларына орай ұйымдастырылған кітап көрмесі де таныстырылып, сол бойынша қызықты ойын өткізілді. Бұл ойын барысында біз танымал ақын-жазушыларды және олардың шығармаларын насихаттадық. Жиналғандарды «Миға шабуыл» ойыны арқылы сергітіп алсақ, «Kahoot» мидың қаншалықты тезірек жұмыс жасайтынын және білімдерін сынайтын ойын болды. Шараға қаламыздағы «Болашақ» көпсалалы колледж студенттері мен №34 орта мектеп оқушылары қатысып, өз алған әсерлерімен бөлісті. Ойын ережесі бойынша Нұрболат Ярлыкашинов, Саяжан Орынтай және Саят Әбілқайыр жүлделі І орынды иеленсе, ал Жандаулет Давлетқалиов екі мәрте ІІ орын иегері атанды. Анель Мейірхан мен Бақтияр Мұқтаров ІІІ орынды өзара бөлісті. Жеңіске жеткен қатысушыларға, сонымен бірге белсенділік танытқан НұртілеуАманкусовке де құнды сыйлық кітаптар табыс етілді.
Шараға жиналған жастар көтеріңкі көңіл-күймен тарқасты және естелік суретке түсті.
Айнұр Төлегенова
