«Астана» футбол клубының жаңа бас бапкері қызметіне ресейлік маман Андрей Тихонов тағайындалды, деп хабарлайды «Дәстүр» сайты baq.kz сайтына сілтеме жасап.
Ол футболшы ретінде Мәскеудің «Спартак» және Ресей құрамасында ойнап танымал болған. Өз елінде 8 рет Ресей чемпионы атанған. Сонымен қатар «Крылья Советов», «Химки», «Маккаби Тель-Авив» (Израиль) және «Локомотив» (Астана) клубтарында ойнаған.
Айтпақшы, қазіргі «Астана» алғаш «Локомотив» болып құрылғанда команда капитаны болған. 2009 жылы чемпионаттың үздік ойыншысы атағын жеңіп, чемпионаттың күміс жүлдесін иеленіп, ұзақ уақыт бойы клуб тарихындағы ең үздік ассистенттер тізімінде жүрді.
Тихонов ойыншы ретіндегі мансабын аяқтағаннан кейін «Спартак» (Мәскеу), «Спарта» (Щелково), «Краснодар», «Енисей» және «Крылья Советов» клубтарында қызмет атқарды.
Айта кетейік, бүгін Андрей Тихонов 50 жасқа толды. «Астана» клубы премьер-лиганың 12-турынан кейін турнир кестесінде екінші орында тұр.
