Алматы қаласының бас санитарлық дәрігері Жандарбек Бекшин мегаполис тұрғындарына наурыз мерекесі қарсаңында үндеу жасады, деп хабарлайды Дәстүр порталы zakon.kz сайтына сілтема жасап.
Алматы қалалық СЭБД баспасөз қызметінің хабарлауынша, ол алматылықтардан карантиндік талаптарды сақтауды жалғастыруды сұрайды.
Оның айтуынша, карантин тәртіптерін бұзу фактілері коронавирусқа шалдығушылардың тағы бір толқынын тудыруы мүмкін, әсіресе Алматы қазірдің өзінде «жасылдан» шеткері кетіп, «сары» аймаққа тақап тұрғанда.
Бекшин қалада коронавирус инфекциясы бойынша эпидемиологиялық ахуал шиеленісті екенін баса айтты. Жыл басынан бері КВИ жұқтырудың 6 252 жағдайы тіркелді, кеше, 25 ақпанда 110 жағдай тіркелді.
Сонымен қатар, Алматыда R коэффициенті (инфекцияның репрезентативтілігі) — 1, ал сырқаттану деңгейі соңғы жеті күнде 100 мың тұрғынға шаққанда 38 жағдайды құрайды, бұл эпидемиологиялық жағдайды бағалау матрицасының «жасыл» аймағына сәйкес келгенмен, «сарыға» жақын, — деді Бекшин.
Ол егер алматылықтар санитарлық-эпидемиологиялық талаптарды елемей, көп адамдар жиналатын жерде жиі болса, бұл көрсеткіш өзгеруі мүмкін екенін баса айтты. Мысалы, соңғы күндері Шымбұлақ пен Медеудегі қала тұрғындарының саны көбейе бастаған.
Алматылықтар саябақтарға, алаңдарға, сауда және ойын-сауық орталықтарына, әсіресе демалыс және мереке күндерінде сыртқа шыққанда, ол жерде науқас адамдар да болуы мүмкін екенін ескеруі керек.
Мұндай жерлерде инфекцияның белгісі білінбейтін науқастар болуы мүмкін.
Алматыдағы коронавирус инфекциясының 43% -ы қоғамдық орындардан жұқтырылған. Сондықтан көктемгі мерекені тойлау кезінде осыны еске алу керек, оның арты вирустың жаппай таралуына жол беріп жүрмесін, – деді ол.
