Балаларға арналған мерекелер мен олар ойнайтын алаңқайлар баланың ішкі жан дүниесі мен оның әлемге, болашаққа деген көзқарасын қалыптастырады. Осы орайда, биыл Астанада 170 аула мен қоғамдық кеңістік абаттандырылады. Бұл жұмыс қаланың барлық аудандарын, оның ішінде, тұрғын алаптарды да қамтиды. Қазір межеленген жұмыстың бір бөлігі аяқталды. Халықаралық балаларды қорғау күнінде Елорданың 5 ауданында тағы 20-дан астам аула мен қоғамдық кеңістік ашылды деп хабарлайды қала әкімдігінің ресми сайты. Сонымен қатар, Астананың 5 ауданында ондаған түрлі іс-шаралар, оның ішінде концерттер, акциялар, көрмелер, жарыстар, шығармашылық фестивальдар және т.б. іс-шаралар өте жоғары деңгейде атап өтілді. Мәселен, Нұра ауданында Қыз Жібек көшесі, 32 мекенжайда тұрғындарға арналған заманауи стандарттар бойынша жабдықталған балалар алаңы бар аула ашылды, мұнда шырша ағашы отырғызылды, сол сияқты work out аумағы мен үйдің аумағы абаттандырылды. Аула «Халық қатысатын бюджет» жобасы аясында жөнделді.
Ал, 30 мамыр күні сағат 18:00-де Амфитеатрда «Жасыл ел» маусымының ашылу салтанаты, 30 мамыр күні сағат 10.00-де Достық үйінде «Балаларды қорғау – елдің болашағын қорғау» атты дөңгелек үстел өтті.
М. Өтемісов атындағы Оқушылар сарайының алаңында «Балалық шақ қуаты» фестивалі мен Жазушылар аллеясында сағат 12:00-де «Салауатты өмір салты – салауатты отбасы» би флешмобына және «Балғын балаларымыз – біздің болашағымыз» балалық шақ мерекесі іс-шарасы ұйымдастырылды.
«Жерұйық» саябағында «Сәлем, жаз!» және «Елдің бақыты – балалық шағы» мерекелік концерті өтті.
Қуыршақ театры мерекеге орай М.Арғымбаевтың «Элвин және сиқырлы орман тұрғындары» ертегісін көрсетті.
Астаналықтар «Бақытты балалар – бейбіт елдің тірегі» концертін Кирпичный, Қазқалашық, Өндіріс тұрғын алаптарында және Ататүрік саябағында тамашалады.
Ататүрік саябағында қонақтарға арналға асфальтқа сурет салу, балаларға арналған көңілді старттар, аниматорлардың қойылымдары және тәтті сыйлықтар тарату іс-шаралары өтті.
1 маусымда елордалық Амфитеатрда күні бойы балалар шығармашылық және спорт фестивалі мен Пригородный тұрғын алабында балаларға арналған мерекелік концерт болды.
Астана қаласының әкімі Жеңіс Қасымбек Instagram парақшасында мерекеге орай 20-дан астам аула мен қоғамдық кеңістік ашылып жатқанын мәлімдеді.
«Халықаралық балаларды қорғау күнімен құттықтаймын! Әрбір бала дарынды және талантты. Әр отбасыға, әр балаға зор денсаулық, амандық және бастамаларына сәттілік тілеймін!
Балаларымыз бен олардың ата-аналарына мерекелік көңіл күй сыйлауға тырыстық. Әрбір ауданда түрлі іс-шаралар өтіп жатыр, оның барысында бүгін тағы 20-дан астам аула мен қоғамдық кеңістік ашып жатырмыз.
«Елорда дарындары» республикалық, халықаралық олимпиадалар мен ғылыми жобалар конкурстарының жеңімпаздарымен және жүлдегерлерімен кездестім. Оқушылардың жеңістері – олардың тоқтаусыз ізденісінің, сол сияқты ұстаздары мен ата-аналарының қолдауының нәтижесі. Әр баланың өмірден өз жолын табуы, таланты мен қабілетін, әлеуетін барынша аша білуі өте маңызды.
Мемлекет басшысы айтқандай, «жас азаматтардың құқығын қорғап, денсаулығын сақтау мемлекеттің басты басымдығы болып саналады».
Біз не істесек те, балаларымыздың игілігі үшін жасаймыз. Өйткені, Қазақстанның болашағы – өскелең ұрпақтың қолында. Мереке құтты болсын! Жас ұрпақтың шығар шыңдары, бағындырар белестері көп болсын!» – деп жазды Жеңіс Қасымбек.
Елордада қашаннан да балар шығармашылығы назардан тыс қалмаған. Мысалы, Қазақстан халқының бірлігі күні елордалық «Жастар» сарайында «Біздің сарайдың балалары» атты балалар шығармашылық ұжымдарының есептік концерті өтті.
Биыл «Жастар» сарайы 50 жылдық мерейтойын атап өтуде. Есепті концерт бағдарламасына «Ровесник» эстрадалық би халықтық ансамблі, «Время» би театры, «Меруерт» қазіргі заманғы би халықтық ансамблі, халық аспаптары үйірмесі, «Sharm models» модельдер мектебі және басқа да көптеген шығармашылық ұжымдар қатысты.
Бірінші қабаттың фойесінде сарайдың бейнелеу өнері шеберханасы – студиясының жас суретшілері суреттерінің көрмесі ұйымдастырылды. Сондай-ақ, мұнда армрестлинг секциясының тәрбиеленушілері өз күштері мен дағдыларын көрсеткен спорт аймағы орналасқан.
Екінші қабатта жас сәнгерлер жаңа киім топтамасын ұсынды.
Өзінің талантын көрсететін талантты жастар көрсеткен мерекелі концерт пен көрме өте биік деңгейде өтті.
«Дәстүр»
